13 HK Rap Up- MastaMic
作詞：MastaMic 作曲：Big Sammy
編曲：Big Sammy & DJ Galaxy
監製：MastaMic, Big Sammy & DJ Galaxy
又到一年一度今日 大家等得好心急 記住有馬米就有Rap Up
一年一rap up呢個美德唔會消失 今年嘅rap up聽完幫手share得唔得
一講劉江點可以唔講呢啲 呢句絕對係本年金句就係人都知
老表你好嘢捧紅咗細細粒 既然細細粒都得 肥B你一定得
香港無BIG BANG但係有港版G-DRAGON
踩唔死嘅曱甴扮權志龍結果似龍心
佢都係VIP 全名 VERY IGNORANT PERSON
有舖抽水癮 多謝靚抽我幫我上新聞
張家輝爆肌拍激戰搞到港男爭住練人魚線
杜汶澤為拍戲要操肌同AV女/優激戰
柏文同Jenna宣告甩拖 呢單真係rap up唔提都唔記得咗
據聞謝婷婷狠撇安志杰 天造地設最終都係理想幻滅
陳法拉默認7年情已逝 仲用舊愛座駕歸愛巢究竟係咩關係
如果要同女友表達愛意
學林峰講好愛好愛好愛好愛好愛好愛好愛BB
陳山聰慘失豪門入場券
四失烈士失業失形象失財失戀
阿Gil異地戀實在太長距離 所以結果都要分開同Mr. K
余文樂估唔到有獨特個人品味
邊有人估到佢竟然會同吳雨霏
霆鋒今年桃花真係多到你唔信
呢頭傳完Janice Man嗰頭又傳佢同周迅
城城同熊黛林分手
苟云慧葉熙琪邊個攻城得手
廣告都話天機不可洩漏
少爺占今年自爆7年前結婚
嚟緊馬年仲會做Daddy我戥你開心
李惠敏同英籍男友完婚 希望最後唔會俾人一刀插入佢心
soler大孖Julio娶到台中市長千金
咁都俾你娶到你真係有啲運
蒙嘉慧恭喜你 鄭伊健終於娶你
我代表成個銅鑼灣恭喜你哋
汪圓圓嫁俾蔡加讚 成功需苦幹洞房辛苦幹一晚
可惡陳豪搞掂我女神陳茵媺
鬼唔望日日飲咖啡飲到你便秘
Sammi同許志安終於將愛情圓滿
呢個時候梗係最啱聽番首天生一半
今年娛樂圈喜事多到飛起
仲有好多結咗婚嘅講聲恭喜恭喜
好似滕麗名yumiko車婉婉楊采妮
輪咗咁耐都終於輪到佢哋
結完婚當然要生個BB
好多人今年仲做埋Daddy媽咪
人數太多唔喺度逐個數一次
總之一次過祝大家有個快高長大嘅baby
Avis高調拖Yumi同娜姐示威
原來姦夫淫婦真係有樣睇
有呂慧儀做老婆仲要黑手甲小三
我係佢老公就晚晩陪老婆慢慢玩
江欣燕同吳jackson已經離婚
最可惜係失去一段12年嘅婚姻
王菲李亞鵬始終有緣無份
我諗王菲以後要改唱容易離婚的女人
白韻琴自爆有名無份唔算夫妻咁濟
肯定因為佢老公忙住做佢嘅西環契仔
做人別太羅鈞滿 七線當三線你未免太自滿
一句Paul Walker Rest In piece
唔覺意打錯字做咩係要恰我嘅shiga bb
Paul哥微博怒爆老竇
正所謂家和萬事興相嗌唔好口
梅姐遺物被拍賣惹爭議
人去茶涼一切都係錢話事
迷幻超盈神情迷茫係銅鑼灣仆親
因住激親父親何鴻燊家產無得分
志偉辭去演藝人協會會長
你話邊個會繼任會長先係最理想
蘇杏璇信佛相信已看破紅塵
抱住善心佢今生已經無憾
劉家良過身武術界失一名一代宗師
代所有嘅樂迷願陳僖儀Rest In Peace
粵劇名伶紅線女離世
遺下太多粵劇經典流傳後世
15萬上酒店唔使性服務咁嘅job都接
o靚模被姦劫都算自作孽
柏豪疑似有淫照風雲
原來只係人有相似FANS可以放心
但係張暖雅就無咁好運
流出祼/照仲被爆同胡耀輝秘婚
而家書展啲o靚模真係痴矖線
有人為宣傳寫真又漏M又凸點
AD2飛釘露暈越玩越癲
可惜唔使半年就消失於人前
GEM唔支持遊戲制度都仲叫了解
但佢唔明梁振英點解要下台令人費解
甄妮批評阿GEM無打招呼無禮
但咁嘅小事咬住唔放真係小氣過馬米
7.1. 維穩show搵Mr Rubberband唱歌
下年不如請朱主席唱從不喜歡孤單一個
李純恩彈詞人唔識中文樂壇已死
我話你廣東話未講正做主持粵語已死
變形金剛都俾人收陀地
我都話古惑仔先係地上最強人間兇器
講電影一定要講狂舞派呢套傑作
多謝你哋將香港嘅Hip Hop帶到大銀幕
Juno首次執導嘅殭屍成績一流
我哋支持Juno永遠退居幕後
DaDa赢金像獎話有情緒病退出
潛水三個月又開記者會話復出
亞視洗腦班你曠課會被炒
唔知亞視攪到咁仲有啲咩可以教
織織復織織 盛品儒終於離職
亞視有今日全靠佢同王征騎尼行事方式
無綫東張西望報導偏頗俾人嘈
亞視個ATV焦點報導更加離譜
節目嘅質素 內容嘅級數
結果惹嚟幾萬人嘅投訴
衝上雲霄我梗係揀做Cool魔
因為可以食女食完一個接一個
鄭弘俊贏星夢傳奇靠唱得好聽
放心以後啲人肯定嗌得出你個名
報導新聞報到上娛樂新聞
原來新聞小花互相勾心鬥角咁大競爭
王浩信捱23巴 多咗兜巴信呢個花名
真人show求愛大作戰 入面嘅緑魔最正
民選港姐陳凱琳促特首聽民意
王子華視帝田蕊妮視后係民意展示
叻哥遊世界教你即刻做富豪
成套嘢最好睇就係三點式Carol
TVB如果唔想大家熄電視機
我提議現場直播叻哥喺將軍澳跪返屋企
May姐有請請你食雞汁雞汁唔少得
哈哈哈哈 有無人知May姐笑乜
TVB封殺壹傳媒係無限期
嗱TVB呢啲咪叫做霸氣
政府無正視民意無視香港電視
一句三揀二就唔發牌俾HKTV
封殺港視因素係一籃子
12萬人到政總抗議 一名中國籍男子
遲嚟先上岸無綫成功註冊台徽
但係HKTV早過人申請遲遲唔批
拒絕發牌原因 細節不提
話行會保密原則 所以唔可以破例
以為維基會放棄搞免費電視
轉頭佢收購中國移動流動電視子公司
無咗免費電視索性搞流動電視
電視新歷史今年7月1日開始
14巴港女摑到條仔跪低
為香港女士爭光 將港女威名揚威國際
WeChat美人計靚女氹你買倫敦金
宅男搖一搖就咁搖走幾萬蚊
如果神魔之塔咁樣都唔算抄
咁同話大陸係無山寨貨一樣咁膠
點解中環Starbucks沖咖啡要用公廁水
因為咖啡啲顏色同公廁水同色水
潮苑牛丸冇牛肉一樣咁好味
所以海天堂龜苓膏無龜有咩咁出奇
嚇親東來居餐蛋飯賣128蚊
少年食神真識食佢食水食得深
講到超強颱風天兔有幾犀利
天兔不似預期以為有假放結果得半day
香港大球場疏忽管理草地變大爛地
唔通為搞泥漿摔角做好準備
好哋哋囍帖街改名做囍歡里
諗嗰個我想請你食包鹵味牛歡喜
尖沙咀巨型 吹氣 橡皮 黃鴨
啟發西九九唔搭八整吹氣屎同曱甴
Gary考獲9A狀元成績
為夢想揸巴士佢寧願放棄高薪厚職
港大抗癌鬥士用佳績走完人生
佢燃燒生命用經歷去激勵其他人
北河燒臘飯店係窮人愛心飯堂
老闆明哥用派飯為窮人送上希望
高官話扶貧全部大隻講
有幾多真係似明哥以身作則落區探訪
牛下女車神李慧詩成績驕人
舊年倫奧奪金今年世錦賽首奪世界冠軍
九龍城拐嬰案 原來媽媽先係真兇
忤逆仔扮孝順謀殺雙親 真相掲盅
**熱氣球爆炸9名港人喪生
估唔到開心嘅旅行會遇上不幸
北角五州大廈起三級火
7人命危係太多賓館同劏房之禍
特首笑口噬噬對住阿基諾三世
疑似同意放低人質事件特首係吳三桂
三年嚟菲律賓道歉賠償隻字不提
我哋發誓香港人會將公道追討到底
易小玲台灣成功重建下顎
恭喜手術成功 今次真係飲得杯落
中港矛盾因各式紛爭日益加深
要奶粉無奶粉 香港BB無奶飲
港童想有學位讀書排隊前要拜神
無歧視新移民但綜援係屬於香港永久居民
離譜嘅終審 本土福利被瓜分
雙非同一簽多行係一切嘅起因
家是香港但而家興移民
家是香港呢句淨係啱新移民
聖心商學書院差啲要停辦
Angelababy都係出自呢個秘書搖籃
著名文學家也斯離世
患病佢仍然堅持創作我向你敬禮
HMV申請破產我差啲嚇破膽
以為以後無HMV得H&M咁慘
終審法院裁定變性人可結婚
希望有一日社會會接納同性婚姻
荔枝角基真小學10歳女生墮樓喪命
最震驚校方出事時竟然唔即時報警
Uncle標養咗隻叫Tommy嘅野豬仔
我都養咗隻叫Tommy嘅小強愛搏出位
今年大嶼山有人公路撞死8隻牛
好彩好快捉到殘忍嘅殺牛兇手
順天邨貓貓被四名人渣殺害
最後判決監禁16個月係應有制裁
美國間諜斯諾登喺香港現身
踢爆美國大規模監控全球網民私隱
瑪麗醫院換錯心差啲累死病人
好彩好快揾到原因 幫病人扭轉乾坤
院方下次真係要小心
唔係次次都好似今次咁好運
旺角John Lennon 街頭表演官非纏身
唔使imagine都知係香港係 there's no heaven
行人專用區有隊街霸3L樂隊
霸街恰聾人係樂隊界敗類
陳振聰被判監12年衰到貼地
又話係風水師睇到人但係睇唔到自己
港鐡爆電纜將軍澳綫癱瘓半日
為表歉意全港乘客應該免車資三日
港鐡車長一路揸車一路挫指甲
唔知以為車長佢秘撈係做修甲
好彩港鐡有品味識揾我拍廣告
所以全面提升乘客嘅禮讓指數
政府首設官方貧窮線
咁好清楚香港人有幾多輸係起跑缐
假嘅1千蚊有8成像真我無擔心
因為我窮到全身加埋都冇1千蚊
耗資82億搞啟德郵輪碼頭
點解唔用呢筆錢幫香港貧窮人口
邊個白痴諗到發展郊野公園用地
唔夠地地產商起豪宅政府咪鬼俾
政府出雙辣招話抑壓樓價
但點解啲窮人恩物仲係幾百萬標價
港人港地講嚟都嘥氣
總之講到尾有咩政策排十年都未排到你
財爺飲咖睇法國電影自稱中產
我想請月入37萬嘅你食杏仁加個橙
小店走投無路 一街名店藥房金舖
香港啲租實在貴到離譜
sogo後面利苑粥面都係因為
加租加Double先至搞到無得做
國際大牌LV小器過方丈
髮型店用啡色格仔皮話要告人要賠償
李嘉誠盛傳賣百佳係為撤資走佬
我唔信你去第二度仲有皇帝你做
40日嘅碼頭工潮工人大罷工
97年之後工人無加過人工
老細老馮工人奉旨連續做24個鐘
點解勞工及福利局長張建宗會失蹤
李思嫣反佔中成立正義聯盟
明明成班牛鬼蛇神係邪惡軸心
愛國女神又點少得陳淨心
佢一出聲係人都想禁佢靜音
係人都知講愛國唔少得馬大律師
因為佢係立法會聲明I'm freaking Chinese
林慧思老師一時失言都係為咗公道
道歉聲明後仍然慘遭愛字頭欺凌煎熬
廣播處長鄧忍光對港台辣手整治
你同我講背后無政治目的你當我弱智
李慧玲被調職我提議搞個新節目
不如搵埋志雲大師開個叫左右飯局
前廉政專員湯顯明用公帑開餐
難怪送牛腩魚蛋佢都視作等閒
張震遠因商交所被調查辭職走人
麥齊光呃租金津貼判緩刑算你好運
陳荗波同太太嘅家人玩囤地上新聞
醜聞冇人要處分 係咪有人包庇下屬惡行
今年最hit係一隻叫路姆西嘅宜家公仔
好似隱喻梁振英同林鄭嘅關系
長毛唔掟雞蛋可以考慮丟公仔
下一齊睇佢丟梁振英路姆西
劉夢熊喺周刊爆梁振英大獲
話佢違背當選前嘅承諾
之前講委任佢做行會成員 而家側側膊
揭開兔死狗烹嘅黑幕
梁振英班子醜聞接連不斷
多名問責官員個個爭住跳船
曾經粉絲劉夢熊都話佢豬肚反轉
得林鄭仲心甘情願同佢跳火圈
特首又話會爭取普選
政改諮詢係鳥籠不斷兜圈
有篩選嘅普選即係阿爺選無我選
呢件事冇彎轉我哋意願係全民投票真普選
你驚佔中係驚人民佔上風
但我哋嘅意見你偏偏當耳邊風
講普選我哋淨係要一種
無篩選全民投票嘅普選先係正宗
次次特首落區聽民意都使黑手
佢嘅支持者個個金毛講粗口
加個丟水樽嘅小朋友
疑似黑勢力插手 唔通689係洪興嘅領袖
我諗我都係要收番呢番言論
費事佢又用私人名義向我發律師信
不過平心而論起碼證明為咗 HK Rap Up 我真係可以去到好盡
2013我推出流行反擊戰
得到各方支持同推薦感激無言
我會堅持信念 繼續散播Hip Hop理念
新嘅mixtape同新專輯好快同你見面
- 专辑：13 HK Rap Up
- 歌手：MastaMic
- 歌曲：13 HK Rap Up (Full Version)
