台南

老朋友 一双手 陪阮捏未来的模样 老朋友 一暝酒 嘛着你来解忧愁 三,二句话 一个眼神 随知影阮陀位咧疼 路若崎岖 阮一喊 你会陪阮行 无闲的人 无闲去想以早做的梦 等陀一工 咱搁亲像少年时 彼掼青仔丛 无咧惊 共天借一粒憨胆 共伊拼 青春留伫彼堆相片 谁知影日子老这紧 好咧佳哉 阮一喊 你犹是相挺 无闲的人 无闲去想以早做的梦 等陀一工 咱搁亲像少年时 彼掼青仔丛 无咧惊 共天借一粒憨胆 共伊拼 专辑:台南 歌手:谢铭佑 歌曲:老朋友

牵肠挂肚的巷内 风对海中央吹来 几痕蚵壳灰 茫雾黄昏的红砖 伊咧等待啥物人 坐伫椅条顶的梦 时间摇啊摇 行过有若无 若彼束束缚伊 爱人仔的乌头鬃 茫茫的海面东南也西北 恬恬的港边春夏又秋冬 迎来送往的船只 换新弃旧的身影 陪伊 渺渺的向望 思念是唱未完的一首歌 踅伫咧毋出声的热兰遮 歌念啊念成诗 伊等啊等成痴 海风 吹来 吹来 吹来 专辑:台南 歌手:谢铭佑 歌曲:恋恋大员

梳妆点胭脂 等伊画目眉 心肝缀伊飞出海 伊啊伊毋知 金金的头毛 生成的心酸 海风讲伊犹无线索 思念犹寡远 叩啊叩啊伊这扇无应的门 伊对阮的约束 犹挂伫锣声响起彼个黄昏 揣无时间的港边 是啥人留的青春少年时 爱啊怨啊分袂清 拢变做无情的海涌 念的彼个伊 敢犹彼个伊 念成一首歌 缠 念啊伊啊伊 犹是彼个伊 缠啊伊啊伊 伊 伊 伊...... 专辑:台南 歌手:谢铭佑 歌曲:金小姐

直直的身躯翅仔叶,红红的花蕊火在烧 陪阮大汉唱骊歌,看汝细汉赖赖趖 日头若越大伊越爱,咱坐伫树跤等风来 汝若有闲来台南,伊徛伫路边排规排 一个城市会当藏寡济梦? 一丛树仔会当陪几代人? 凤凰花飞啊飞,汝欲共阮带去陀 红若火,一着起来热袂退 凤凰花飞啊飞,汝欲共阮带去陀 红的雪,伫阮梦中硞硞缀 专辑:台南 歌手:谢铭佑 歌曲:凤凰花飞啊飞

城市的天顶 满满一堆人 酸痛的翅仔越来越重 佗位的月娘光映映 掛佇遐咧等我 热人的冷气愈来愈寒 啥人来将我彼对寒翼仔 换一双新跤 实实在在会慢慢仔行 我今仔日无想欲飞 我揣无人讲一寡话 敢有一块心会当安稳的土地 我今仔日无想欲飞 少年的梦犹賰偌济 我越头过有一蕊叫青春的花 这世人犹毋捌开过 专辑:台南 歌手:谢铭佑 歌曲:我今仔日无想欲飞